العود له مكانه كبيره عند أهل الخليج، خصوصاً في السعوديه. ريحته ترتبط بالضيافه والمناسبات وحتى بالبيت اليومي. كثير من الناس يسمعون عن “العود الطبيعي” و”العود المصنّع”، لكن قليل اللي يعرف الفرق بينهم بدقه.
وش معنى العود الطبيعي؟
العود الطبيعي يجي من أشجار العود اللي تنمو في دول مثل الهند وكمبوديا ولاوس. هذي الأشجار تعطي خشب يحوي مادة راتنجية نادرة، وهي اللي تخلّي ريحته قويه وفخمه. عملية استخراج العود الطبيعي تاخذ وقت طويل، ويحتاج صبر وخبره عشان يطلع بشكل نظيف. كل قطعه لها طابع خاص، وما تلقى قطعتين نفس بعض أبداً.
العود الطبيعي ريحته تثبت بالساعات، وأحياناً تبقى بالملابس حتى بعد الغسيل. سعره عالي لأنه نادر وصعب الحصول عليه. وكل ما كانت القطعه أثقل ومليانه راتنج، صار سعرها أغلى وجودتها أعلى.
هنا ستجد أفضل أنواع العود الطبيعي
مميزات العود الطبيعي
- ريحته أصيله وما تنسى، تعطي جو فخم من أول ما ينحرق.
- ثبات قوي، تبقى الريحه بالساعات ويمكن تبقى بالملابس حتى بعد الغسيل.
- كل قطعه لها طابع مختلف، وهذا يخلّيها مميزه ونادر تكرر نفسها.
- يستخدمونه أهل الخبره والذوق الرفيع في المناسبات الكبيره والضيافه.
- ما يسبب صداع أو ثقل مثل بعض الصناعي لأنه طبيعي 100%.
- يعتبر استثمار، لأن قيمته تزيد مع الوقت خصوصاً إذا كان قديم ونادر.
وش يعني العود المصنّع؟
العود المصنّع ينصنع بالمصانع، ويخلطون فيه بودرة خشب العود مع زيوت أو مواد عطرية ثانية. الهدف منه يعطي ريحه قريبة من الطبيعي، لكن ما يوصّل لنفس العمق. تصنيعه أسرع وأسهل، وأسعاره أقل بكثير.
في السوق تلقى أنواع من المصنّع بجوده مختلفه. بعضه زين ويعطيك ريحه حلوه لفتره، وبعضه يخف ريحه بسرعة. الناس اللي يستخدمون البخور يومياً أو بكميات كبيره غالباً يتجهون للمصنّع عشان السعر المعقول.
عيوب العود الصناعي
- ريحته ما تثبت وقت طويل، تختفي بسرعه.
- يترك أحياناً دخان ثقيل يضايق بعض الناس.
- جودته ما تكون ثابتة، يختلف من دفعه لدفعه.
- ريحته توضح إنها مركبة وما تعطي العمق الموجود بالعود الطبيعي.
عيوب العود المحسَّن
- ينخلط فيه عود طبيعي مع إضافات زي الزيوت أو المواد العطريه.
- يقلّل من نقاوة العود الطبيعي ويغير طبيعته.
- أحياناً يكون سعره قريب من الطبيعي، لكن جودته ما توصّل لنفس المستوى.
- يبين الفرق في الثبات والريحة بعد وقت قصير من الحرق.
الفرق في الاستخدام
العود الطبيعي ينحط عادةً في المناسبات الكبيره مثل الزواج أو استقبال الضيوف المهمين. لأنه يترك أثر قوي ويمثل ذوق وكرم صاحب البيت. أما المصنّع فيناسب الاستخدام اليومي في البيت أو المكتب، يعطي جو طيب من غير ما يكلّف كثير.
كيف تفرّق بينهم؟
- الطبيعي وزنه أثقل من حجمه، والمصنّع أخف.
- الطبيعي ريحته تبقى وقت طويل، أما المصنّع يختفي أسرع.
- لون الطبيعي غالباً غامق وفيه لمعه زيتيه، أما المصنّع يكون باهت أكثر.
الخلاصه
العود الطبيعي نادر وثمين، وسعره يعكس قيمته. المصنّع خيار اقتصادي يعطي ريحه قريبه لكن مو بنفس العمق والثبات. الاختيار يعتمد على المناسبه والميزانيه.